مقامات ترکمنستان اعلام کردند که عشق‌آباد در سال جاری میلادی میزبان پنجمین نشست وزیران خارجه کشورهای همسایه افغانستان خواهد بود.
وزارت خارجه ترکمنستان روز جمعه، ۸ سرطان، در یک خبرنامه از آمادگی عشق‌آباد برای میزبانی پنجمین نشست وزیران خارجه کشورهای همسایه افغانستان خبر داد. گفته می‌شود احمد قربانوف، معاون وزیر خارجه ترکمنستان، و یوشیا یونگ، نماینده چین برای افغانستان، در مورد این نشست گفت‌وگو کردند و درباره آماده‌سازی پنجمین نشست وزیران خارجه کشورهای همسایه افغانستان تبادل نظر کردند.
این خبر در حالی مطرح می‌شود که چهارمین نشست وزیران خارجه کشورهای همسایه افغانستان در ۲۴ حمل ۱۴۰۲ در شهر سمرقند اوزبیکستان برگزار شده بود. در آن نشست وزیران خارجه چین، ایران، پاکستان، روسیه، تاجیکستان، ترکمنستان و اوزبیکستان حضور داشتند.
